အါန့ၣ်ယိာ်န့ၢ် ပဖံးဘ့ၣ်အယိာ်

ဟိၣ်စ့(José)မ့ၢ် ပှၤလၢ အနာ်ကစၢ်ယ့ၣ်ရှူးန့ၣ် လဲၤဘါသကိးယွၤ လၢအဝဲၢ်တၢ်ဘါယွၤသရိာ်န့ၣ်လီၤ. တချုး တၢ်ဘါစးထီၣ် အဝဲလဲၤနုာ်လီၤဆူ သရိာ်စီဆှံအပူၤ အဆၢကတီၢ်, အဝဲၢ်ထံၣ်အီၤန့ၣ် ဒီးအဝဲၢ်အမဲာ်လီၤသပှၢ်လီၤ. မ့ၢ်လၢ ဟိၣ်စ့ကၤဝဲဆ့ကၤ ထံၣ်ရှး (T-shirt) ဒီး အစုဒုၣ်ခံခီလိာ် တၢ်ဆဲးကံၣ်ဆဲးဝ့ၤတဖၣ် ဖျါထီၣ်ဝဲအဃိန့ၣ်လီၤ. အဝဲၢ်မၢအက့ၤဆူဟံၣ်ဒီး ဆီတလဲကၤဆ့ကၤထီစု, မ့ၢ်လၢ တၢ်ဆဲးကံၣ်လၢ အစုလိၤတဖၣ်န့ၣ် ပာ်ဖျါထီၣ် ဟိၣ်စ့အတၢ်အိၣ်မူလၢ အပူၤကွံာ်တဖၣ်န့ၣ်လီၤ. သတူာ်ကလာ်န့ၣ် ဟိၣ်စ့ကလၢၢ်ဘၣ်ဝဲလၢ အကစၢ်န့ၣ် တကဆှဲကဆှီဘၣ်န့ၣ်လီၤ. ဘၣ်ဆၣ်ပိာ်ခွါသးပှၢ်တဂၤန့ၣ် နၢ်ဟူထွဲ အဒီပုၢ်ဝဲၢ်ခံဂၤ အတၢ်ကတိၤလိာ်သးန့ၣ်ဒီး လဲၤကိးဆှၢဝဲ ဟိၣ်စ့ဆူ တၢ်အိၣ်ဖှိၣ်သရၣ် အအိၣ်ဒီးစံးဘၣ်သရၣ်လၢ တၢ်အိၣ်အသးအဂ့ၢ်န့ၣ်လီၤ. သရၣ်နံကမှံထီၣ်ဝဲ ဒီးဘ့ၣ်လီၤအဆ့ကၤ ဒီးမၤဖျါထီၣ် တၢ်ဆဲးကံၣ်တဖၣ် လၢအသးနါပှၢ်အလိၤ, ဒ်အမ့ၢ် အတၢ်အိၣ်မူအလီၢ်လံၤ အတၢ်မၤတဖၣ်န့ၣ်လီၤ. သရၣ်န့ၣ် ဒုးသ့ၣ်ညါ မၤလီၤတံၢ်ဝဲ ဟိၣ်စ့လၢ ကစၢ်ယွၤမၤကဆှီထီၣ်က့ၤ ဟိၣ်စ့အနီၢ်ခိ, နီၢ်သးတဖၣ် ဝံၤလံအဃိဒီး တလိၣ်လၢ ကမၤဘၢ အစုဒုၣ်စုတီၤတဖၣ်လၢၤဘၣ်န့ၣ်လီၤ.…